Қарлы боран, көк тайғақ, қатты аяз: «Қазгидромет» елге ескерту жасады

Фото: yandex

«Қазгидромет» РМК синоптиктері алдағы үш күнге арналған ауа райы болжамын жариялады. Елдің көп бөлігінде қатты аяз бен қарлы боран болады, деп хабарлайды Qazaq.today.

Синоптиктердің сөзінше, ауа температурасы біртіндеп төмендейді. Оңтүстік өңірде көктайғақ болса, орталық пен солтүстік Қазақстанда қарлы боран тұрып, қатты аяз жүреді.

«Аптаның басында Солтүстік циклон жырасы республиканың көп бөлігінде ауа райының тұрақсыз сипатын анықтайды: қар, боран, елдің батысында жауын-шашын (жаңбыр, қар) және көктайғақ күтіледі. Елдің оңтүстігінде кең антициклонның әсерінен жауын-шашынсыз ауа райы сақталады.

Ауа температурасының біртіндеп жоғарылауы болжанады: түнде елдің батысында 0-8 аязға дейін, солтүстік-батысында, солтүстігінде 7-15 аязға дейін, Қазақстанның орталығында 10-18 аязға дейін, республиканың шығысында, оңтүстік-шығысында 7-20 аязға дейін, оңтүстік облыстарда 5-13 аязға дейін», — делінген хабарламада.