Полиция әйелді 12 минутта тапқан: ресейлік келіншек Түркия әуежайының дәретханасына босанған нәрестесін тастап кеткен
Анталья әуежайының дәретханасында босанған әйел сәбиін сол жерге тастап, ұшып кетпек болған, деп хабарлайды Qazaq.today Түркияның Hurriyet басылымына сілтеме жасап.
Басылымның жазуынша, Анталья халықаралық әуежайындағы дәретханада жатқан нәрестені тазалаушы әйел тапты. Бала тірі болып шықты.
«Баланың анасы бақылау камералары арқылы жедел түрде анықталды. Ол Мәскеуге ұшатын рейске тіркеуден өту үшін кезекте тұрған Ресей Федерациясының азаматы болып шықты. Әуежайдың қауіпсіздік қызметкерлері дәретханадан табылған сәбидің анасын небары 12 минутта тапты. Әйелдің дәретханада туып, Ресей астанасына билеттерді рәсімдеуге асыққаны анықталды», — деп жазды басылым.
Қазір ол құрбысымен бірге ұсталды. Босанған әйелмен бірге болған тағы бір Ресей азаматын полиция ұстады. Сәбидің денсаулығы жақсы, оны дәрігерлер тексеріп, күтім жасау үшін жергілікті ауруханаға алып кеткен.
