Әскердегі тағы бір өлім: Ақтауда әскери қызметкер өз-өзіне қол жұмсады

Фото: pixabay

Ақтауда өз өзіне қол салып қаза тапқан келісім шарт бойынша әскери қызметкер бір жылға жуық бала күтіміне байланысты демалыста болған, деп хабарлайды Qazaq Today ақпарат агенттігі. 

28 қыркүйекте Ақтауда 39 жастағы әскери қызметкердің мәйіті өз пәтерінен табылды.

Ақтау гарнизонының мәліметінше, ер адам бір жылға жуық бала күтіміне байланысты демалыста болған.

«Алдын ала мәлімет бойынша, келісімшарт бойынша әскери қызметші отбасындағы кикілжің салдарынан асылып, өз-өзіне қол жұмсаған. Себептері мен мән-жайы анықталып жатыр», – делінген хабарламада.

Өз-өзіне қол жұмсау фактісі бойынша қылмыстық іс қозғалды. Әуе қорғанысы күштері қолбасшылығы әскери қызметшінің отбасы мен жақындарына көңіл айты.