Қазақстандық семсершілер Бахрейндегі жастар чемпионатында жүлде алды

Фото: пресс-служба ФФРК

Бахрейнде өтіп жатқан семсерлесу бойынша жастар (23 жасқа дейінгі) Азия чемпионатында қазақстандық спортшылар жүлдегерлер қатарынан көрінді. Шпага сайысында Мария мен Полина Лесовскаялар пьедесталға көтерілді.

Бұл туралы Qazaqtoday.info сайты хабарлайды.

Алматылық апалы-сіңлілі спортшылар топтық кезеңді сәтті өтіп, плей-оффта да жеңістерін жалғастырды. 19 жастағы Мария Қытай Тайбэйінен келген Хью-Джу Шихты 15:9, Өзбекстандық Азиза Хамидованы 15:10 есебімен ұтты. 17 жастағы Полина Үндістандық Назия Шиакты 15:8, Гонконг өкілдері Сум София Фонгты 15:11 және Ман Вай Вивьен Лиді 15:10 есебімен жеңді.

Жартылай финалдағы Лесовскаялар арасындағы дерби Марияның пайдасына 15:12 есебімен аяқталды. Жеңілген Полина қола жүлдеге қол жеткізді, ал Мария финалда тайбэйлік Ли-Сянг Юнгпен кездесіп, тартысты бәсекеде жеңіліс тапты.

Ширек финалға жете алмаған шпагашылар Наталья Зинякова мен Полина Фомина 34 қатысушының ішінде сәйкесінше 11-ші және 12-ші орындарды иеленді.

Рапира сайысында Тимофей Семенов медальға бір қадам жетпей тоқтады. Ширек финалда қазақстандық болашақ қола жүлдегер Өзбекстандық Улугбек Усмановқа 2:15 есебімен жол берді.

Алтын медальді Гонконгтық Кенджи Цюн Йин жеңіп алды, ол финалда Катарлық Адхам Эльдеебті 15:14 есебімен ұтты.

Қазақстандық рапирашы Мансур Естеу 10-шы, Галым Нурумов 19-шы, Евгений Токанов 47 қатысушының ішінде 26-шы орынды түйіндеді.

Бұған дейін қазақстандық семсершілер Бахрейндегі жастар (23 жасқа дейінгі) Азия чемпионатында барлық санаттағы медальдарды иеленген болатын. Шпагашы Кирилл Проходов алтын, сабляшы Қайша Жаныбек күміс, оның құрамалас досы Диляра Исабекова қола жүлдеге қол жеткізді.

Бахрейн астанасы Манамадағы жастар континенттік біріншілігі 2 қарашаға дейін жалғасады. Қазақстандық спортшылар қарудың барлық түрінен сынға түседі.