Сәбит Әбдіхалықов пен актриса Айгүл Иманбаева бір киноға түсіп жатыр

Сәбит Әбдіхалықов пен актриса Айгүл Иманбаева киноға түсіп жатыр.  

Бұл туралы Баян Мақсатқызы әлеуметтік желідегі парақшасында жариялады. “Көке” деп аталатын фильмнің режиссері жұлдызды жұптың ұлы – Асылжан Әбдімүтәлі.

“Бүгін түсірілім алаңына Сәбит Әбдіхалықов келді. Идея авторы мен бас продюсері. Бұрынғы әйелімен бірге киноға түсіп жатыр. Не деген қарым-қатынас?! Сәбит сонымен қатар қазақ демографиясына үлес қосып жүр. Бүгінде жеті баланың әкесі”, – дейді Баян Мақсатқызы.

Айгүл Иманбаева киноның түсірілімі басталғанын атап өтті.

«Менің продюсерлігіммен Асылжан режиссердің еліміздегі абсурдтық комедия жанрындағы ең алғашқы туындының түсірілімі ресми түрде басталды», — деп жазды актриса.

Түсірілім басталардан бұрын Сәбит Әбдіхалықов пен актриса Айгүл Иманбаева ұлының жұмысына, түсірілім тобына сәттілік тіледі.