Алматыдағы хостелде көз жұмғандардың қай елдің азаматтары екені нақтыланды

Алматыда өрттен қайтыс болғандардың аты-жөні толық анықталды, деп хабарлайды Qazaq.today Azattyq Ruhy-на сілтеме жасап. 

Алматы қалалық полиция департаментінің мәліметінше, хостелдегі өрт салдарынан қаза тапқандардың жеке басы анықталып, сот медициналық сараптама тағайындалған.

«Қайтыс болған 13 адамның төртеуі – шетелдіктер (Ресей Федерациясының 2 азаматы және Өзбекстанның 2 азаматы), тағы 9-ы – Қазақстан Республикасының азаматтары», — делінген қалалық ПД хабарламасында.

Қазіргі кезде сот-медициналық сараптама тағайындалды.

Еске салайық, бүгін таңертең сағат 05.30-да Әди Шәріпов көшеіндегі хостелден өрт шығып, 13 адам қаза тапқаны хабарланды. Қалалық денсаулық сақтау басқармасы өрттен зардап шеккен 4 адамның ауруханаға жеткізілгенін мәлімдеді.  Сондай-ақ аталған оқиғаға бойынша Үкіметтік комиссия құрылды.

фото: ашық дереккөзден

Qazaq.today