Мугуруса Рыбакинаның турнирден шығуын түсіндіріп, Костюктің алмастыруын бағалады
Гарбинье Мугуруса Елена Рыбакинаның қорытынды турнирден вирустық инфекцияға байланысты шығуын түсіндіріп, оның орнына келген Марта Костюктің өнерін бағалады.
Сурет: sports.kz
Әлемнің бұрынғы бірінші ракеткасы әрі қорытынды турнирдің директоры Гарбинье Мугуруса әлемдік рейтингтің көшбасшысы Елена Рыбакинаның қорытынды турнирден шығуына қатысты пікір білдірді. Сондай-ақ ол қазақстандық теннисшінің орнына келген украиналық Марта Костюк туралы да айтты.
Бұл туралы Qazaqtoday.info сайты хабарлайды.
2025 жылғы қорытынды турнирдің қазіргі чемпионы Рыбакина вирустық инфекцияға байланысты 2026 жылғы доданың бірінші матчы алдында жарыстан бас тартты.
«Әрине, Елена Рыбакинаның турнирден шыққанына қатты қынжылдық. Мен оны сол күні көрдім, оның жүзі бәрін айтып тұрды — ол өзін нашар сезінетіні анық еді. Оған қалпына келу үшін уақыт керек болды, әрине, біз кортқа 100% дайын емес теннисшінің шыққанын қаламаймыз. Бірақ бізде Марта Костюк болды. Ол Лос-Анджелесте жүрген. Еленаның ойнай алмайтынына қатты өкіндік, бірақ Мартаның оның орнына шыға алғанына қуандық. Бұл оның қорытынды турнирдегі алғашқы өнер көрсетуі еді. Әр матч өте тартысты әрі шынымен тамаша. Ойын сапасы жоғары деңгейде, сондықтан Мартаны тарта алғанымыз жақсы болды», — деді Мугуруса Tennis Channel подкастының эфирінде.
Айта кетейік, Марта Костюк турнирдің топтық кезеңінде үш кездесудің бәрінде жеңіліс тапты: ол Линда Носковадан, Джессика Пегуладан және Кори Гауффтан ұтылды.
