Қазақстан әйелдер құрамасы шахмат олимпиадасында күміс жүлде алды
Қазақстан әйелдер құрамасы Дүниежүзілік шахмат олимпиадасында күміс медаль алды. Соңғы турда Польшамен 2:2 тең түсіп, 18 ұпаймен екінші орынға тұрақтады.
Фото: ДРС
Қазақстанның әйелдер құрамасы Дүниежүзілік шахмат олимпиадасында күміс медаль жеңіп алды. Соңғы турда ұлттық команда Польшамен 2:2 есебімен тең түсті.
Бұл туралы Qazaqtoday.info сайты хабарлайды.
Осылайша, Қазақстан құрамасы 18 ұпаймен екінші орынға тұрақтады, тек Қытайға ғана жол берді. Үздік үштікті Үндістан қорытындылады.
Күміс жүлдегерлер қатарында Бибисара Асаубаева, Алуа Нұрман, Елназ Калиахмет, Меруерт Камалиденова және Зарина Нұрғалиева бар.
Ерлер турнирінде Қазақстан құрамасы 15 ұпаймен топ-25 құрамына енді. Самарқандтағы үй жарысында Өзбекстан командасы жеңіске жетті.
