Астанада алаяқтық жасады деген күдікпен 39 жастағы әйел ұсталды
Астанада алаяқтық жасады деген күдікпен 39 жастағы әйел ұсталды. Ол жәбірленушіден пәтер сатып алуға жәрдемдесемін деп 1,5 млн теңге алған.
Сурет: Polisia.kz
Астанада полиция қызметкерлері алаяқтық жасады деген күдікпен 39 жастағы әйелді анықтады. Тергеу барысында күдіктінің жәбірленушімен бұрыннан таныс болғаны белгілі болды — екеуі бұған дейін бір қалада тұрған.
Бұл туралы Qazaqtoday.info сайты хабарлайды.
Әңгімелесу кезінде әйел құрылыс компанияларында таныстары бар екенін, солардың көмегімен пәтер сатып алуға жәрдемдесе алатынын айтқан. Оның уәдесіне сенген жәбірленуші алдын ала төлем ретінде 1,5 млн теңге берген.
Осыдан кейін күдікті ұзақ уақыт бойы тұрғын үй мәселесін шешуге уәде беріп, кейін байланысқа шығуын тоқтатқан. Жедел-іздестіру іс-шаралары барысында 39 жастағы әйел тұрғылықты жері бойынша ұсталды.
Аталған факті бойынша қылмыстық іс қозғалып, сотқа дейінгі тергеп-тексеру жүргізіліп жатыр.
