Қазақстандықтар қазан айында қосымша демалыс күніне ие болады
2026 жылы Республика күні 25 қазан жексенбіге түседі. Заңнамаға сай демалыс 26 қазан дүйсенбіге ауыстырылып, қазақстандықтар қазан айында 10 күн демалады.
Сурет: istockphoto
2026 жылғы мерекелер мен демалыс күндерінің күнтізбесіне сәйкес, Республика күні 25 қазанға, яғни жексенбіге түседі. Осыған байланысты қазақстандықтар қазан айында қосымша демалыс күніне ие болады.
Бұл туралы Qazaqtoday.info сайты хабарлайды.
Қолданыстағы заңнамаға сай, мереке демалыс күніне сәйкес келген жағдайда, демалыс тағы бір күнге ұзартылады. Осылайша, бес күндік жұмыс аптасында еңбек ететіндер 24, 25 және 26 қазанда демалады.
Яғни Республика күніне байланысты демалыс 26 қазан, дүйсенбіге ауыстырылады.
Жалпы алғанда, қазан айында бес күндік жұмыс аптасымен жұмыс істейтін қазақстандықтар 10 күн демалады.
