Сатпаевсыз «Бернли» Чемпионшипте қатарынан алтыншы матчта жеңе алмады

Сурет: sports.kz

Ағылшын Чемпионшипінің алтыншы турында «Бернли» қонақта «Рэксеммен» кездесіп, 1:1 есебімен тең түсті. Бұл туралы Sports.kz хабарлайды.

Бұл туралы Qazaqtoday.info сайты хабарлайды.

Матч Уэльстегі «Рейскорс Граунд» стадионында өтті. 26-минутта «Бернли» шабуылшысы Зеки Амдуни есеп ашты. 55-минутта үй иелерінің қорғаушысы Жак Экоми жауап голын соқты. Кездесу 1:1 есебімен аяқталды.

«Бернлиден» қазақстандық шабуылшы Дастан Сатпаев бұл ойынға өтінімге енбеді. 2 қыркүйекте төртінші турда «Мидлсброға» қарсы өткен үйдегі матчта (1:1) 18 жастағы форвард негізгі құрамда шығып, кездесудің үздік ойыншысы деп танылған еді. Алайда 81-минутта ол жамбас артқы бетін ұстап, алаңды тастап кетті. Медициналық тексеру тізе асты сіңірінің зақымданғанын растады. Осыдан кейін «Бернли» бас бапкері Ники Хайен футболшының бірнеше аптаға қатардан шыққанын мәлімдеді.

Алты тур өткен соң «Бернли» қоржынында 3 ұпай бар және турнир кестесінде соңғыдан екінші, 23-орында тұр. Маусым басынан бері команда Чемпионшипте бірде-бір жеңіске жеткен жоқ. «Рэксем» 7 ұпаймен 13-позицияда.