«Таныспасаң, үстіңе су шашамын»: Алматыда ер адам әйелдің үстіне су төккен

Фото: ашық дереккөз

Алматының Орбита шағын ауданындағы қоғамдық тамақтану орнында ер адам танысуға келіспеген әйелдің үстіне су шашқан, деп хабарлайды Qazaqtoday.info.

Әйелдің айтуынша, бейтаныс азамат онымен таныспақ болған, алайда ол ұсыныстан бас тартқаннан кейін ер адам осындай әрекетке барған.

Оқиға орнына полиция шақырылған, бірақ жәбірленушінің сөзінше, келген қызметкер оның шағымына тиісті деңгейде назар аудармаған.

Осыдан кейін әйел болған жағдайды видеоға түсіріп, әлеуметтік желіде жариялады.
Ол өзге қыз-келіншектерден қолдау сұрап, мұндай әрекетті жауапсыз қалдырмауға шақырған.
Әзірге полиция тарапынан оқиғаның мән-жайы мен қызметкердің әрекетіне қатысты ресми түсініктеме жарияланған жоқ.

Видео: @qara_almaty