Алматыда Алтынсарин даңғылы мен Шаймерденов көшесінің бір бөлігі жабылады
Алматыда Алтынсарин даңғылы мен Шаймерденов көшесінде жол жөндеу жұмыстарына байланысты қозғалыс уақытша шектеледі. Толық ақпарат.
Фото: shutterstock
Алматыда 28-30 тамыз аралығында Алтынсарин даңғылы мен Шаймерденов көшесінің кейбір учаскелерінде жол жөндеу жұмыстарына байланысты қозғалыс шектеледі, деп хабарлайды Qazaqtoday.info сайты.
Алтынсарин даңғылында қозғалыс толығымен жабылады: 28 тамыз сағат 23:00-ден 29 тамыз сағат 16:00-ге дейін. Шектеу Абай даңғылы мен Кабдолов көшесінің аралығында қолданылады.
Шаймерденов көшесінде қозғалыс 29 тамыз сағат 06:00-ден 30 тамыз сағат 13:00-ге дейін тоқтатылады. Жұмыстар Жандосов көшесі мен Сейдімбек көшесі аралығында жүргізіледі.
Жөндеу аймақтарында ескерту жол белгілері орнатылады. Жұмыс мерзімдері ауа райы жағдайына немесе өндірістік қажеттілікке байланысты өзгеруі мүмкін.
Бұған дейін «Курсив» Астанада Бөгенбай батыр даңғылы бойынша үш аптаға қозғалысты шектеу туралы жазған болатын.
