100 жылқы жымқырды деп айыпталған жылқышы Рахат Сәрсенов ем алуда
100 жылқы жымқырды деп айыпталған Рахат Сәрсенов тергеу изоляторынан босап шыққан соң денсаулығы нашарлап, қазір ем қабылдап жатыр. Оның жағдайы туралы жаңа ақпарат белгілі болды.
Сурет: madeniportal.kz
100 жылқыны жымқырды деп айыпталған Рахат Сәрсеновтің жағдайы жақсарғаны туралы жағымды хабар тарады. Ол тергеу изоляторынан босап шыққан соң денсаулығы нашарлап, қазір ем қабылдап жатыр, деп хабарлайды Qazaqtoday.info сайты.
Бұл туралы Руслан Өтепбай әлеуметтік желідегі парақшасында мәлімдеді. 60 жастағы Рахат Сәрсенов өмірінің 30 жылдан астам уақытын жылқы бағуға арнаған. Ол ұзақ жылдар бойы мал шаруашылығында еңбек еткен.
Сәрсенов тергеу изоляторында 60 жасқа толды. Сот процесі аяқталған соң ол рақымшылыққа ілініп, сот залынан босап шыққан еді. Рахат Сәрсенов «Тайбұрыл» қожалығында жылқышы болып жұмыс істеген. Қожалықтың иесі — Тәжіғали Елеуов. Ашық деректерге сәйкес, Сәрсенов осы шаруашылықта 1994 жылдан бері еңбек еткен.
Рахат Сәрсеновтің оқиғасы қоғамның назарын аударып, оның ұзақ жылдар бойы жылқы баққаны туралы ақпарат әлеуметтік желіде кеңінен тараған.
