Қазақстанда ертең аптап ыстық сақталады: кей өңірлерде найзағай мен бұршақ күтіледі
Қазақстанда ертең аптап ыстық сақталады, кей өңірлерде найзағай мен бұршақ күтіледі. Синоптиктер қауіпсіздік шараларын сақтауға кеңес береді.
Сурет: ult.kz
Ертең еліміздің басым бөлігінде жазғы ыстық ауа райы сақталады, алайда кей өңірлерде атмосфералық фронттардың әсерінен найзағай ойнап, өткінші жаңбыр жаууы ықтимал. Кей жерлерде жел күшейіп, бұршақ түсу қаупі бар, деп хабарлайды Qazaqtoday.info сайты.
Батыс Қазақстан, Атырау және Маңғыстау облыстарында күн ашық, жауын-шашынсыз болады. Ауа температурасы +29…+35°C аралығында болады.
Солтүстік Қазақстан, Қостанай, Ақмола және Павлодар облыстарында күндіз +24…+30°C, кей жерлерде жаңбыр мен найзағай күтіледі.
Орталық Қазақстанда (Қарағанды, Ұлытау) термометрлер +27…+32°C көрсетеді, өткінші жаңбыр жаууы мүмкін.
Шығыс Қазақстан және Абай облысында +26…+31°C, кей аудандарда найзағай ойнап, жаңбыр жауады.
Оңтүстік және оңтүстік-шығыс өңірлерде (Алматы, Жетісу, Жамбыл, Түркістан, Қызылорда) аптап ыстық сақталады. Күндіз ауа +32…+39°C-қа дейін жетеді. Таулы аудандарда қысқа мерзімді жаңбыр мен найзағай болуы ықтимал.
Синоптиктер тұрғындарға күннің ыстығында ұзақ уақыт жүрмеуге, мол су ішуге және найзағай кезінде қауіпсіздік шараларын сақтауға кеңес береді.
