Медеу Арынбаев ұлының үйлену тойы жоспары туралы айтты
Әнші Медеу Арынбаев ұлының келесі жылы үйленетінін айтып, жастардың таңдауына араласпайтынын жеткізді.
Сурет: dalanews.kz
Әнші әрі актер Медеу Арынбаев «Бүгін.live» бағдарламасында отбасындағы қуанышты жаңалықпен бөлісті, деп хабарлайды Qazaqtoday.info сайты.
Өнер иесінің айтуынша, келесі жылы ұлының шаңырақ көтеруі жоспарланған. Қазір оның сүйген қызы бар, екеуі жақсы қарым-қатынаста.
Медеу Арынбаев баласының жеке таңдауына араласпайтынын, жастарға ешқандай талап қоймайтынын жеткізді. «Келесі жылы ұлымды үйлендірсек деген ойымыз бар. Қазір сүйген қызы бар, екеуі жақсы араласып жүр. Барлығын өзі шешеді, мен ешқандай талап қоймаймын. Біз тек ниетімізді білдіріп, тілеулес болып отырмыз», – деді әнші.
Ол жастарға ата-ананың сенімін ақтап, бір-бірін түсініп өмір сүру маңызды екенін үнемі айтып жүретінін атап өтті. «Ең бастысы – бір-бірін түсініп, өз бақыттарын бірге тапса болғаны», – деді Медеу Арынбаев.
