Жамбы облысында ер адам көлігінің капотына 8,5 келі гашиш жасырп, Алматыға жеткізбек болған (ВИДЕО)
Фото: Видеодан скрин
Жамбыл облысының Қордай – Алматы автожолында жүргізілген жедел іс-шара барысында көлік тоқтатылды. Көлікті қызметтік ит Сэмнің көмегімен тексеру кезінде оның капотынан полиэтилен пакетке салынған шамамен 8,5 келі гашиш табылды, деп хабарлайды Qazaqtoday.info.
Анықталғандай, 55 жастағы жүргізуші есірткіні Алматы қаласына алып бара жатқан. Тәркіленген заңсыз заттың қара нарықтағы құны шамамен 10 млн теңге деп бағаланды.
«Полицейлердің жедел әрекетінің нәтижесінде он мыңдаған адамның өмірі мен денсаулығына қауіп төндіретін аса ірі көлемдегі есірткі заңсыз айналымға жіберілмей, дер кезінде тоқтатылды. Аталған дерек бойынша сотқа дейінгі тергеу басталды. Күдікті уақытша ұстау изоляторына қамалды», – делінген хабарламада.
Қазір оқиғаның барлық мән-жайын анықтау үшін тергеу және жедел іс-шаралар жүргізіліп жатыр.
