БҚО-да екі полицей қызметтік міндетін атқару кезінде қаза тапты
Фото: instagram.com/sadenov_online
Батыс Қазақстан облысында екі бірдей полицей қызметтік міндеттерін атқару кезінде қаза тапты, деп хабарлайды Qazaqtoday.info ақпарат порталы.
Бұл туралы ІІМ басшысы Ержан Сәденов мәлімдеді.
«Қызметтік міндеттерін атқару кезінде қаза тапқан Батыс Қазақстан облысы полиция департаментінің Тасқала аудандық полиция бөлімінің қызметкерлері полиция майоры Абзал Үмбетқалиев пен полиция аға сержанты Нұрғали Әдиетовтің туған-туыстары мен жақындарына көңіл айтамын», – деп жазды ол.
Сонымен бірге ол Ішкі істер министрлігі қаза тапқан қызметкерлердің отбасыларына жан-жақты қолдау көрсететінін де атап өтті.
