Жігітті қарызға батырмаңдар: ҚМДБ мәһрдің мөлшерін нақтылады

Басқарма екі жақтың разылығы болмаса, неке заңсыз әрі дұрыс саналмайтынын еске салады, деп хабарлайды Qazaqtoday.info ақпарат порталы. 

Сонымен қатар, ҚМДБ оның 4 негізгі шартын мысал етті. Біріншісі – қыз баланың ата-анасының келісімі мен ризашылығы, екіншісі – куәгерлердің қатысуы, үшіншісі – кедергілердің болмауы және төртіншісі – мәһр.

– Мәһр – ер адамның неке қиылу барысында қалыңдыққа өз ризашылығымен беретін шариғи сыйы. Ханафи мәзһабында мәһрдің ең төменгі шегі – 10 дирхам. Сахабалар өмір сүрген заманда 10 дирхам бір алтын динарға тең болған. Бұл қазіргі өлшеммен 4,25 грамм алтын немесе соған тең келетін ақшалай қаражатқа (нарықтағы құнына) сәйкес келеді. Мәһрдің мөлшерін ер-азаматтың материалдық мүмкіндігіне қарап, отбасының әлеуметтік жағдайын ескере отырып айтқан жөн. Өйткені, мәһр күйеу жігітті қарызға батыратындай көп немесе қыздың көңілін қалдыратындай аз болмауы керек, – деп мәлім етті ҚМДБ.

Сондай-ақ, басқарма күйеу жігіттің мәһрді бірден беруге шамасы жетпесе, оның бір бөлігін алдын ала беріп, қалғанын кейін өтейтінін жеткізді. Тақырыптар.