Атырау көшелерінде жаңбырдан кейін жүру мүмкін болмай қалды
Фото: видео скриншот
Әлеуметтік желіде Атырау қаласының орталық Сәтбаев көшесінің жаңбырдан кейінгі аянышты жағдайы түсірілген бейнежазба тарады, деп хабарлайды Qazaqtoday.info ақпарат порталы.
Кадрлардан нөсер жауыннан кейін жаяу жүргіншілер жолы мен ғимарат кіреберістерінің су астында қалып, тұрғындардың жүріп-тұруына үлкен кедергі келтіргенін көруге болады. Бұл — орталық Сәтбаев көшесінде бірінші рет орын алып отырған жағдай емес, қаланың дренаж жүйесінің осалдығы жыл сайын қайталанатын тұрақты мәселеге айналды.
Тұрғындар жылдар бойы уәде берумен шектелетін жергілікті әкімдіктің бұл олқылықты қашан түпкілікті шешетінін сұрап, наразылық білдіруде. Қаланың бас көшесіндегі мұндай жағдай Атырау инфрақұрылымының жауын-шашынға мүлдем дайын емес екенін тағы бір мәрте дәлелдеп берді. Тиісті органдар бұл жағдайға қатысты әлі ресми мәлімдеме жасаған жоқ.
