Мемлекет басшысы БАҚ саласындағы бірқатар қызметкерлерді марапаттады
Қазақстан Президенті 24 маусымдағы өкіммен БАҚ саласындағы сыйлық, грант және алғыс иелерін анықтады. Тізімде 12 атау бар.
2026 жылғы 24 маусымдағы №304 өкіммен Қазақстан Президенті БАҚ саласындағы сыйлықтарды, гранттарды және алғыстарды табыстады, деп хабарлайды Qazaqtoday.info сайты.
Президент сыйлығына төрт медиа өкілі ие болды: «Time kz» бас редакторы Руслан Бахтигареев, «Egemen Qazaqstan» газетінің Ақмола облысындағы меншікті тілшісі Байқал Байәділ, «NewTimes kz» фототілшісі Әлібек Ибраев, «Qazaqstan» телеарнасы ақпараттық-сараптамалық бағдарламалар дирекциясы директорының орынбасары Қайрат Мұсақұлов.
Президент грантын алғандар: «Baq kz» аға тілшісі Олжас Адай, «Хабар» агенттігінің редактор-сарапшысы Ботагөз Айтжанова, контентмейкер Жазира Байдалы және «Zakon kz» тілшісі Екатерина Елисеева.
Президенттің Алғысы «Астана» телеарнасы, «Вечерний Алматы», «Жас Алаш» газеттері мен «Abai kz» ақпараттық порталының шығармашылық ұжымдарына жарияланды.
