«Аяқ-қолын байлап, қамап қойған»: Атырауда 90 жастағы қария туған ұлынан қорлық көрген
Фото: atr.kz
Қызылқоға ауданы Сағыз ауылында 90 жастағы қартқа өз баласы ұзақ уақыт бойы зорлық-зомбылық көрсетіп келген, деп хабарлайды Qazaqtoday.info ақпарат порталы.
Алдын ала мәлімет бойынша, туған ұлы қарт әкесін үйдің бір бөлмесіне қамап, оның еркін шығуына шектеу қойған. Сондай-ақ ол әкесіне тамақ пен су бермей, қол-аяғын байлап тастаған. Қарт адам мүмкіндік туған сәтте үйден қашып кеткен. Кейін ол жақын туысының үйіне барып, болған жайтты баяндаған.
Атырау облыстық полиция департаметі ұрып-соғу бабы бойынша қылмыстық іс қозғады.
— Қазіргі уақытта оқиғаның барлық мән-жайын жан-жақты, толық және объективті анықтауға бағытталған қажетті тергеу әрекеттері жүргізілуде. Өзге ақпарат тергеу мүддесіне сәйкес жариялауға жатпайды, — деп мәлімдеді департаменттің баспасөз қызметі.
