Газондар тақыр жерге айналған: Қостанай әкімдігі бюджеттің миллиондаған ақшасын желге шашты

Қостанайдың қақ ортасындағы Әл-Фараби даңғылында бюджеттің миллиондарына егілген жасыл газондар санаулы күнде тақыр жерге айналды, деп жазады Qazaqtoday.info.

Қала тұрғыны әлеуметтік желіде жаңадан абаттандырылған аумақтың аянышты күйін көрсетіп, бейнежазба жариялады.

Алайда бұл жерде мәселе тек мәдениетсіз жүргіншілерде ғана ма, әлде жергілікті биліктің жоспарлаусыз жұмысында ма?

Жобаны қабылдап алған шенеуніктер жаяу жүргіншілердің қозғалыс траекториясын ескермеген: адамдар ондаған жылдар бойы қалыптасқан соқпақ жолмен, яғни өздеріне ыңғайлы бағытпен төтесінен жүруін тоқтатар емес. Салдарынан кеше ғана төгілген құнарлы топырақ пен себілген шөп бүгін табан астында тапталып жатыр.

Фото: kstnews.kz