Тоқаев Ақорданың ақпараттық блогында кадрлық өзгерістер жасады

Қазақстан Президенті Қасым-Жомарт Тоқаев коммуникацияларға жауапты бөлімшелердің жаңа басшыларын тағайындады.

Бұл туралы Qazaqtoday.info сайты хабарлайды.

Евгений Кочетов Президент Әкімшілігінің коммуникациялар жөніндегі бөлімінің меңгерушісі болып тағайындалды. Бұған дейін ол Мәдениет және ақпарат вице-министрі қызметін атқарған.

Қанат Күлшманов Президент жанындағы Орталық коммуникациялар қызметін (ОКҚ) басқарды. Ол бұрын Президент Әкімшілігінің коммуникациялар жөніндегі бөлімін басқарған.

Асқар Умаров Орталық коммуникациялар қызметінің директоры қызметінен босатылды.