Бұл Вашингтонның аралдағы коммунистік билікке қысымды күшейткен кезеңде айтылып отыр.
Рубионың сөзінше, АҚШ әлі де дипломатиялық шешімді құп көреді, алайда жақын арада нақты нәтиже болады деп күтпейді.
«Шынын айтсам, қазір кіммен жұмыс істеп отырғанымызды ескерсек, мұның ықтималдығы өте төмен. Бірақ олар райынан қайтса, біз келіссөзге дайынбыз», – деді ол журналистерге.
Сонымен қатар АҚШ президенті Дональд Трамп Кубадағы «режимді өзгерту» мәселесін көтеруді жалғастырып келеді. Кубада коммунистер Куба революциясы мен Фидель Кастро дәуірінен бері билікте отыр.
Рубио сондай-ақ Кубаның АҚШ ұсынған 100 миллион доллар көлеміндегі гуманитарлық көмекті қабылдағанын айтты.
Бұған жауап ретінде Кубаның сыртқы істер министрі Бруно Родригес Вашингтонды әскери агрессияны арандатуға тырысып отыр деп айыптап, терроризмді қолдайды деген мәлімдемелерді жоққа шығарды.
«АҚШ мемлекеттік хатшысы тағы да өтірік айтып, Куба мен Америка халқының қаны төгілетін әскери агрессияны қоздыруға тырысып отыр», – деді Родригес.
