Алматы облысында жекеменшік мектептер ұстаздарға жалақы төлемей, жарты млрд теңгеге жуық пайда көрген
Фото: zhaikpress.kz
Алматы облысында екі мектеп ұстаздарды айлықсыз қалдырған. Оқу ортаалығы жыл басынан бері мұғалімдеріне жалақы бойынша 487 млн теңге көлемінде қарыз екені анықталды, деп хабарлайды Qazaqtoday.info.
Облыстық прокуратура жыл басынан бері 2 ұйымда қызметкерлер алдында жалақы бойынша берешекке жол берілгені анықталды. Қабылданған прокурорлық шаралардың нәтижесінде 1 626 жұмыскердің құқықтары қорғалып, 487 млн теңге көлеміндегі жалақы қарызы толық өтелді.
Қазақстан Республикасының Еңбек кодексіне сәйкес, жұмыс беруші жалақыны айына кемінде бір рет және келесі айдың бірінші онкүндігінен кешіктірмей төлеуге міндетті. Алайда Еңбекшіқазақ ауданындағы «ALTYN ADAM» жекеменшік мектебі ұзақ уақыт бойы 134 педагогке жалақы төлемеген. Берешек сомасы 75,9 млн теңгені құрады.
«Прокурорлық араласу нәтижесінде кінәлі тұлғалар әкімшілік жауаптылыққа тартылып, еңбек инспекциясы тарапынан заңбұзушылықтарды жою туралы нұсқама енгізілді. Қазіргі уақытта жалақы толық көлемде төленді. Жалпы, биыл прокуратура шараларымен 18 839 азаматтың құқықтары қорғалды», – делінген прокуратураның хабарламасында.
