Қазақстан мен Канада әскери ынтымақтастық жасауы мүмкін

Қорғаныс министрлігінде Халықаралық ынтымақтастық департаменті бастығының орынбасары полковник Валерий Вишникин Канаданың Ресей Федерациясы және Қазақстан Республикасындағы қоса атқарушы Әскери атташесінің орынбасары 2-дәрежелі капитан Рональд Готьемен кездесті, деп хабарлайды Qazaq.Today тілшісі Қорғаныс министрлігінің баспасөз қызметіне сілтеме жасап.

Тараптар білім беру саласындағы ынтымақтастықтың даму көкжиегін, тілдік даярлық, бітімгершілік бөлімшелердің әлеуеті мен мүмкіндіктерін арттыру мәселелерін талқылады.

Қазақстан мен Канаданың әскери ынтымақтастығы бітімгершілік қызметке негізделген. Осы тұрғыда БҰҰ-ның бітімгершілік бастамаларын ілгерілетудегі Канаданың рөлін атап өткен жөн.