Степногорскте жаяу жүргіншілерге арналған жолда қауіпті шұңқыр пайда болды.
Оқиға 3 және 5-шағынаудандар арасындағы учаскеде тіркелген.
Күн сайын халық жүретін жерде плитка опырылып, астында терең қуыс қалған.
Куәгерлердің айтуынша, бұл жер ешқандай қоршаусыз, ескерту белгісінсіз тұр.
Жақында осы шұңқырға велосипед мінген адам түсіп кеткен.
Абырой болғанда, ауыр жарақат тіркелмеген, бірақ қауіп әлі де сақталып отыр.
Мәселе бір күннің емес, кез келген сәтте қайталануы мүмкін жағдайға айналған.
Тұрғындар коммуналдық қызметтен шұғыл шара қабылдауды талап етіп отыр.
Әзірге жауаптылардан нақты әрекет байқалмайды.
Қарапайым жолдың өзі қауіпке айналғаны — қаладағы бақылаудың әлсіздігін көрсетеді.
Видео: @stepnogram
