Спорт 17 наурыз · 1 мин оқу

Бублик әлемдік рейтингте үздік ондықтан шығып қалды

NEW YORK, NEW YORK - AUGUST 28: Alexander Bublik of Kazakhstan returns a shot against Tristan Schoolkate of Australia during their Men's Singles Second Round match on Day Five of the 2025 US Open at USTA Billie Jean King National Tennis Center on August 28, 2025 in the Flushing neighborhood of the Queens borough of New York City. (Photo by Sarah Stier/Getty Images)

Александр Бублик. Фото: Sarah Stier/Getty Images

Кәсіпқой теннисшілер қауымдастығы (ATP) соңғы турнирлердің қорытындысы бойынша жекелей және жұптық разрядтағы жаңартылған рейтингтерді жариялады. Бұл туралы QazaqToday.info ақпараттық порталы хабарлайды.

Негізгі өзгерістер Индиан-Уэллсте өткен «Мастерс» сериясындағы турнирден кейін болды. Бұл жарыстың жеңімпазы италиялық Янник Синнер атанды. Жеңісіне қарамастан, ол әлемдік рейтингте екінші орында қалды, дегенмен көшбасшы – испаниялық Карлос Алькарасқа дейінгі арақашықтықты айтарлықтай қысқартты. Үшінші орынды бұрынғысынша серб Новак Джокович иеленіп отыр.

Турнирдің финалисі Даниил Медведев бір саты жоғарылап, қазір 10-орынға көтерілді. Ресейлік теннисші қазақстандық Александр Бубликті басып озды, отандасымыз рейтингте бір орынға төмендеді.

Ал Қазақстанның екінші ракеткасы Александр Шевченко өз көрсеткішін жақсартты – ол бірден төрт саты жоғарылап, қазір 84-орында тұр.

Жұптық разрядтағы рейтингте көшбасшылықты британдық Нил Скупски сақтап қалды. Бұл санатта Қазақстанның үздік өкілі – Григорий Ломакин, ол 374-орында орналасқан.