Жетісу облысындағы Үшарал-Достық тас жолында бес көлік соқтығысып, ірі жол-көлік оқиғасы болды. Салдарынан алты адам түрлі дене жарақатымен ауруханаға жеткізілді, деп хабарлайды Qazaqtoday ақпарат агенттігі.
Оқиға 14 ақпан күні Көктума ауылының маңында тіркелген. «ҚазАвтоЖол» компаниясының мәліметінше, жүргізушілер қатты боранға байланысты қозғалысқа салынған тыйымға қарамастан, дала жолдары арқылы жабық аумаққа кіріп кеткен.
Жол-көлік оқиғасы кезінде ауа райының қолайсыздығынан жол мүлдем көрінбегені белгілі болды.
Құтқару жұмыстары барысында жол қызметкерлері қар құрсауында қалған тағы 12 көлік пен 9 адамды қауіпсіз жерге шығарған.
Фото: Әлеуметтік желіден
