Жаңа киімді жумай киесіз бе? Бұл қауіпті дертке шалдықтыруы мүмкін
Микробиолог маман дүкенде киім өлшеу кезінде қышыма, саңырауқұлақ сияқты қауіпті тері инфекцияларын жұқтыруға болатынын ескертті.
Микробиолог Вера Сережина дүкеннен немесе интернеттен алынған киімді өлшегенде қауіпті тері инфекциясын жұқтыруға болатынын ескертті, деп хабарлайды Qazaqtoday ақпарат агенттігі.
Оның айтуынша, киім арқылы қышыма, саңырауқұлақ және іріңді инфекциялар таралуы мүмкін.
«Әсіресе іш киім, купальник, шұлық сияқты денеге тікелей тиетін заттарды өлшеуге мүлдем болмайды», – дейді маман.
Сарапшы жаңа киімді міндетті түрде жуып, үтіктеп барып киюге кеңес береді. Ал дүкенде киімді жалаңаш денеге киюден аулақ болу керек.
Интернет-дүкеннен тапсырыс берілген киімдер де қауіпсіз емес. Себебі біреу киіп, кері қайтарған заттар ешқандай өңдеусіз қайта сатылымға шығарылады.
