Аузыңыздағы жағымсыз иіс: дәрігер оның қауіпті белгі екенін ескертті
Дәрігер ауыздан шығатын жағымсыз иістің себептерін түсіндірді. Ол тек гигиенаға ғана емес, ішкі ағзалардың ауруына да байланысты болуы мүмкін.
Ауздан жағымсыз иіс шығуы (галитоз) – жай ғана ыңғайсыздық емес, денсаулықтағы кінәраттың маңызды белгісі болуы мүмкін, деп хабарлайды Qazaqtoday ақпарат агенттігі.
Гастроэнтеролог Инга Колесниктің айтуынша, 80-90% жағдайда мәселе тікелей ауыз қуысының гигиенасына байланысты болады. Яғни, бұл жай ұялатын жағдай емес, назар аударуды қажет ететін белгі.
Негізгі себептер: тілдегі өңез, тісжегі, қабынған қызыл иек, дұрыс салынбаған протездер және тамақ қалдықтары.
Алайда, егер ауыз қуысының тазалығы мінсіз болса, жағымсыз иіс мұрын-жұтқыншақ, өкпе немесе басқа да ішкі ағзалардың ауруынан хабар беруі ықтимал. Сондықтан дәрігер бұл мәселеге жеңіл қарамауға кеңес береді.
