Боран салдарынан үш облыста жол жабылды: Қай өңірлерде қозғалыс тоқтатылды

Фото: pexels.com

Ауа райының күрт құбылуына байланысты Қарағанды, Ақмола және Павлодар облыстарында бірнеше республикалық жол учаскелері көлік үшін уақытша жабылды, деп хабарлайды Qazaqtoday ақпарат агенттігі.

Қарағанды облысында шектеу мына жолдарда енгізілді:

• «Қызылорда — Жезқазған — Қарағанды — Шідерті» жолының Молодежный ауылынан Павлодар облысы шекарасына дейінгі бөлігі (1067-1135 шақырым);
• «Қалқаман — Баянауыл — Үміткер — Ботақара» жолының Павлодар облысы шекарасынан Ботақара ауылына дейін (231-324 шақырым);
• «Астана — Қабанбай батыр — Нұра — Теміртау» жолының Ақмола облысы шекарасынан Нұра елді мекеніне дейін (51-101 шақырым).

Ақмола облысында:

• «Астана — Қабанбай батыр — Нұра — Теміртау» жолының Қабанбай батыр ауылынан Қарағанды облысы шекарасына дейінгі аралығы (35-51 шақырым).

Павлодар облысында жабылған учаскелер:

• «Қызылорда — Жезқазған — Қарағанды — Шідерті» жолының Қарағанды облысы шекарасынан Шідерті ауылына дейінгі бөлігі (1135-1206 шақырым);
• «Қалқаман — Баянауыл — Үміткер — Ботақара» жолы толықтай (0-231 шақырым), яғни Қалқаман ауылынан бастап Қарағанды облысы шекарасына дейін.

Көлік қозғалысын қайта ашу 6 қаңтар күні сағат 22:00-ге жоспарланған.