«Дуэт жазбақшы»: Қайрат Нұртас пен Сырым Исабаев тыңдармандарын қуантып қойды (ВИДЕО)
Фото: видеодан скрин
Танымал әнші Қайрат Нұртас пен Сырым Исабаев әлеуметтік желіде бірге көрініп, көпшіліктің назарын аударды. Бұл туралы Qazaq Today ақпарат агенттігі жазады.
Бейнежазбаны әнші Заттыбек Көпбосынұлы өзінің әлеуметтік желідегі парақшасында жариялаған. Кадрларда қос өнер иесінің бір-бірін қуана қарсы алып, жылы амандасып жатқан сәті бейнеленген.
Жазба желі қолданушылары арасында қызу талқыланып, түрлі пікірге себеп болды. Видео сипаттамасында Заттыбек Көпбосынұлы: «Екеуінен дуэт күтесіздер ме?» деген сауал қалдырған.
Оқырмандардың бір бөлігі қос әншінің бірлескен шығармашылығын қолдап, дуэтті асыға күтетінін жазса, енді бірі Сырым Исабаевтың жеке шығармашылығын жалғастырғаны дұрыс деген пікір білдірді.
Желі қолданушылары пікірлерінде:
• «Әрине, екеуінен дуэт күтеміз»,
• «Қайраттың Сырымды көріп шын қуанып тұрғаны байқалады»,
• «Сырымның жеке дауысы да өте жақсы»,
• «Басқа әншімен дуэт болса да, Қайратпен емес», деп жазған.
Посмотреть эту публикацию в Instagram
