Маңғыстауда екі жолаушы жүргізушіні белбеумен қылқындырып, шабуыл жасаған
Фото: Polisia.kz
30 маусым күні кешке Маңғыстау облысы Түпқараған ауданында екі ер адам жеке жүргізушіге қарақшылық шабуыл жасады, деп хабарлайды Qazaq.today ақпарат порталы.
«Шамамен сағат 20:30 кезінде Ақшұқыр ауылының шетінде қаскөйлер жүргізушінің қызметін пайдаланып, жолда оған шабуыл жасаған. Физикалық күш қолданып, қауіпсіздік белдігін мойнына орап қысып, ер адамды көліктен түсіріп, Hyundai Accent маркалы автокөлігін теуіп кеткен», – делінген хабарламада.
Жедел-іздестіру шараларының нәтижесінде полиция күдіктілерді жедел анықтап, қолға түсірді. Екеуі уақытша ұстау изоляторына қамалды.
Аталған факт бойынша «Қарақшылық» бабымен қылмыстық іс қозғалды. Тергеу жұмыстары жалғасып жатыр, оқиғаның барлық мән-жайы анықталуда.
