«Ешкімге жалынбадым»: Жұлдыз Әбдікәрімова жақын адамының опасыздық жасағанын айтты

Актриса Жұлдыз Әбдікәрімова басынан өткен сынаққа сынып кетпей, ақыры дегеніне жетіп, баспаналы болғанын сүйіншілеп, қолдау білдіргені үшін оқырмандарына алғыс айтты.

Ол осы күнге жету жолында көптеген қиындықты бастан өткергенін атап өтті.

«Бір жыл бойы қатты қиналғаныма, ауырғаныма, күрескеніме, кейбір жайттарды үнсіз жұтқаныма, жақынымнан көрген опасыздыққа, басыма келген сынаққа сынып кетпей, ешкімге жалынбай, жылап-сықтамай, ешкім жайында лям-мим демей, күл-талқан боп қирап жатқан жерімнен жинақталып, қайта тұрғаныма, эмоцияға берілмей сабырлық танытқаныма сіз – менің оқырманым, шынайы әрі мейірімді жанашырым куә болдыңыз! Мені колдаған, дұғада болған әрбір жанға алғыс айтамын!», — деп жазды актриса.

Жұлдыз Әбдікәрімова желі қолданушыларымен қуанышын бөлісіп, жаңа баспанасында түсірілген видеоны жариялады.

«Жаңа адаммен, жаңа үйде, жаңа өмір», – делінген видеода.