Қазақстан 26 елмен өзара визасыз режим енгізбек

Қазақстан 26 елмен өзара визасыз режим енгізу туралы келіссөздер жүргізіп жатыр. Бұл туралы ҚР Мәдениет және спорт министрлігі мәлім етті, деп хабарлайды Qazaq.today. 

Министрліктің хабарлауынша, визасыз режим туралы келіссөз жүргізіп жатқан елдер қатарында Австрия, Сауд Арабиясы, Сан-Марино, Бахрейн және тағы басқалары бар.

«Сонымен қатар азаматтары Қазақстанға электронды виза алуға өтініш бере алатын елдердің тізімін кеңейту, шақыру талабын алып тастау мәселелері де қарастырылып жатыр», — деп хабарлады ҚР Мәдениет және спорт министрлігі.

Сонымен қатар, БАӘ тұрғындарына жеңілдетілген виза беру мәселесі талқыланып жатыр.

«Қазақстан шетелдік саяхатшылар үшін қызық және министрлік еліміздің туристік әлеуетін толық ашуға, соның ішінде келетін туристер ағынын арттыру үшін жұмыс істеп жатыр. Оның үстіне министрлік қазірдің өзінде көші-қонды бақылауды жақсарту тетіктерін енгізеді. Мысалы, eQonaq ақпараттық жүйе», — деді ҚР МЖСМ ресми өкілі Мөлдір Әбдуалиева.

Qazaq.today