Алматыда алғаш рет робот көмегімен асқазанға ота жасалды
Алматы онкология орталығының хирургтары роботтандырылған жүйемен асқазанға алғашқы ота жасады. Ота барысында заманауи технология қолданылып, науқастың тезірек қалпына келуіне мүмкіндік берді.
Фото: freepik
Алматы онкология орталығының хирургтары роботтандырылған хирургиялық жүйенің көмегімен күрделі ота жасады. Бұл — Қазақстанда алғаш рет роботтың қатысуымен асқазанға жасалған операция.
Бұл туралы Qazaqtoday.info сайты хабарлайды.
Мамандар асқазанның бір бөлігін үлкен тілік жасамай алып тастаған. Заманауи технология операцияның жарақаттылығын азайтып, науқастың тезірек қалпына келуіне мүмкіндік береді.
Ота барысында хирургке анатомиялық құрылымдарды анық көруге көмектесетін технология қолданылған. Бұл — орталық дәрігерлерінің робот көмегімен жасаған 15-ші операциясы.
