«Не лаборатария, не дұрыс орталық жоқ»: Денсаулығы сыр берген тұрғын Жеңіс Қасымбектің жұмысын сынады

Астана әкімі Жеңіс Қасымбек «Сарайшық» ауданының тұрғындарымен есептік кездесу барысында қала тұрғыны бірқатар мәселені көтеріп, сын айтты, деп хабарлайды Qazaq Today ақпарат порталы.

«Денсаулыққа қатысты мәселе туындап отыр, 14 млн теңгенің дәрі-дәрмегі әлі жетпей жатыр. Қабылдауға да жазбады. Мен үнемі шетелге емделуге барамын. Себебі бізде не лаборатария, не дұрыс орталық жоқ. Үлкен орталықтарды ақша үшін ұстап отырмыз ба? Қажырым таусылды. 6 ота жасадым. Шетелде менің құжатыма да қарамайды. Ақшаң болса, емдейді. Мен пәтерімді 23 жыл күттім», — деді қала тұрғыны.

Қала әкімі Жеңіс Қасымбек тұрғыннан оған көмектесуге мүмкіндік беруді сұрады. Алайда қала тұрғыны әкімнің сөзін бөліп, сәйкесінше көмек көрсетілмегенін айтты. Ол отадан кейін оңалту дәрі-дәрмектері 450 мың тұратынын айтты.

«Мен үнемі допингпен өмір сүруім керек. Ақша бөлінбей жатыр. Препарат жоқ. Былтыр 20 литр қан құйылды», — деді ол.