Чемпиондар лигасы: Ширек финалға қай командалар шықты

Фото: vseprosport.kz

УЕФА Чемпиондар лигасы ширек финалына шыққан алғашқы командалар белгілі болды, деп хабарлайды Qazaq Today ақпарат порталы.

Испанияның «Реал Мадрид» командасы жарысты ерте аяқтай жазды. Сырт алаңда Испанияның «Атлетико Мадрид» клубымен кездескен клуб қарымта ойынның негізгі кезеңінде қарсыласына 0:1 есебімен жеңілді. Екі кездесудің нәтижесі тіркелді. Овертаймда жеңімпаз анықталған жоқ. Пенальти тебуде «Реал Мадрид» клубының жолы болып, жарысты жалғастыруға мүмкіндік алды.

Сондай-ақ англиялық «Астон Вилла» Бельгияның «Брюггесін» (3:0, 3:1), англиялық «Арсенал» Нидерландтың ПСВ клубын (2:2, 7:1), Германияның «Боруссия Дортмунд» командасы франциялық «Лилль» клубын (2:1, 1:1) қапы қалдырып кетті.

Енді ширек финалда «Астон Вилла» (Англия) мен «Пари Сен-Жермен» (Франция), «Реал Мадрид» (Испания) пен «Арсенал» (Англия), «Интер» (Италия) мен «Бавария» (Германия), «Боруссия Дортмунд» (Германия) мен «Барселона» (Испания) шеберлік байқасады.

Ширек финал ойындары 8 және 15 сәуір күндеріне белгіленген.