Жамбыл облысында бір ауылда екі оқушы суицид жасады
Жамбыл облысындағы бір ауылда екі жасөспірім өзіне қол жұмсаған. Облыстық прокуратура суицид туралы ақпаратты растады. Қайғылы оқиға Байзақ ауданының Түймекент ауылында екі күн қатарынан болды.
Байзақ аудандық полиция бөлімі қызметкерлері сотқа дейінгі тергеу басталғанын хабарлады.
«Болған оқиғаның мән-жайын анықтау үшін кешенді тергеу жұмыстары жүргізіліп жатыр. ҚР Қылмыстық кодексінің 201 бабына сәйкес, тергеу мүддесіне байланысты өзге ақпараттар жарияланбайды», – делінген Жамбыл облыстық полиция департаментінің хабарламасында.
Еске салайық, бұған дейін Алматыда екі оқушы қыз тоғызыншы қабаттан құлап мерт болды. Кейін оқушы қыздардың жақындары оларды бұған не итермелегенін айтқан еді. Сонымен қатар олар мектептерде телефонға тыйым салуды ұсынды.
