Бүгін Еуропа лигасы жалпы кезеңінің алғашқы туры басталады
Бүгін, 25 қыркүйекте футболдан UEFA Еуропа лигасы жалпы кезеңінің алғашқы ойын күні өтеді, деп хабарлайды Qazaq Today ақпарат порталы.
Жарыстың аталған сатысында биыл алғаш рет 36 команда сынға түсіп, плей-офф сатысына берілетін 24 жолдаманы сарапқа салады.
Бірінші турдың алғашқы ойын күнінде «Будё-Глимт» (Норвегия) мен «Порту» (Португалия), «АЗ Алкмаар» (Нидерланд) мен «Эльфсборг» (Швеция), «Ницца» (Франция) мен «Реал Сосьедад» (Испания), «Андерлехт» (Бельгия) пен «Ференцварош» (Венгрия), «Мидтьюллан» (Дания) мен «Хоффенхайм» (Германия), «Динамо Киев» (Украина) пен «Лацио» (Италия), «Галатасарай» (Түркия) мен ПАОК (Грекия), «Лудогорец» (Болгария) пен «Славия Прага» (Чехия), «Манчестер Юнайтед» (Англия) пен «Твенте» (Нидерланд) командалары ойнайды.
Ал, екінші ойын күні 26 қыркүйекте өткізіледі.
Жалпы кезең ойындары 2025 жылдың 30 қаңтарында мәресіне жетеді.
