Садриддин Ахмедов АҚШ-та қарсыласын нокаутқа түсірді
Қазақстандық кәсіпқой боксшы Садриддин Ахмедов АҚШ-та өткен бокс кешінде орта дивизиондағы алғашқы жекпе-жегін өткізді.
Бұл ретте Ахмедов Геннадий Головкиннің бұрынғы промоутері Том Леффлер ұйымдастырған Санта-Йнесе қаласында (Калифорния, АҚШ) өткен бокс кешінде өнер көрсетті. Орта салмақтағы 26 жастағы қазақстандық боксшының қарсыласы 30 жастағы америкалық боксшы Антонио Тодд болды.
Айта кетсек, Садриддин Ахмедов АҚШ-та осы дивизионда алғаш рет жұдырықтасып отыр. Ол бірінші раундта-ақ нокаутпен мерзімінен бұрын жеңіске жетті. Осылайша, кәсіпқой рингте 14 рет (оның 12-сі мерзімінен бұрын) жеңіске жетті.
