Маңғыстауда өз күйеуі пышақтаған әйелдің ішіндегі баласы тірі қалды
Дәрігерлер Мұнайлы ауданында күйеуінен пышақ жарақатын алған жәбірленушінің жағдайын тұрақты ауыр деп бағалайды. Бұл туралы Маңғыстау облыстық көпсалалы ауруханасының баспасөз қызметі хабарлады, деп жазады Qazaq Today ақпарат порталы.
– Зардап шеккен адам есін біледі. Жағдайы тұрақты ауыр. Жүктілік сақталды, алаңдаушылық жоқ. Бұдан былай хирургиялық араласу болмайды, емдеу жалғасуда, — деп хабарлады медициналық мекеменің баспасөз қызметі.
Еске салайық, Мұнайлы ауданы Маңғыстау ауылында күйеуі әйелін көшеде тұрғындардың көзінше пышақтап тастаған болатын. Салдарынан 24 жастағы әйел ауыр дене жарақатымен ауруханаға жеткізілді.
