Атырауда жекеменшік балабақшадағы 4 жасар баланың өлімі: Мекеме директоры мен тәрбиеші қамауға алынды
Атырауда жекеменшік балабақшада септикке құлап қайтыс болған балабақшаның директоры мен тәрбиешісі қамауға алынды.
Атырау облыстық прокуратурасының мәліметінше, 12 шілдеде сот оларға қатысты сот процесі аяқталғанға дейін үйқамаққа алу түріндегі бұлтартпау шарасын таңдады.
Сондай-ақ баланың өліміне әкеп соққан балалардың өмірі мен денсаулығының қауіпсіздігін қамтамасыз ету жөніндегі міндеттерді тиісінше орындамағаны үшін полиция сотқа дейінгі тергеуді бастады.
Айта кетейік, бұған дейін Атырауда жекеменшік балабақшаның кәріз құдығына құлап кеткен 4 жасар бүлдіршін көз жұмған еді. Мәліметтерге сүйенсек, 2020 жылы туған бала қараусыз қалып, кәріз құдығына құлап кеткен. Оны балабақша қызметкерлері өздері шығарып алған. Алайда оны құтқару мүмкін болмаған.
