Ақша бопсалаған: Қызылордада танымал блогердің үстінен қылмыстық іс қозғалды
Қызылордада танымал блогердің үстінен қылмыстық іс қозғалды. Бұл туралы Qazaq.today ақпарат агенттігі stan.kz сайтына сілтеме жасап хабарлайды.
Әлеуметтік желіде тараған ақпаратта блогердің жергілікті құрылыс компаниясының басшысынан ақша бопсалағаны үшін ұсталғаны айтылған. Облыстық полиция департаменті ақпаратты растады.
«Аталған дерек бойынша қылмыстық іс қозғалып, тергеу жүргізіліп жатыр. Өзге мәліметтер жариялануға жатпайды», — делінген полиция хабарламасында.
Еске салсақ, бұған дейін Түркістан облысында мектеп директорын бопсалаған екі блогер ұсталғаны туралы жазған едік.
