Орскте тасқыннан зардап шеккендердің саны сәт сайын өсуде
Фото: РИА Новости
Орск қаласында су тасқынынан зардап шеккендердің саны 99 адамға жетті, деп жазады Qazaq Today ақпарат агенттігі.
10 ересек және 8 бала ішек инфекциясымен ауырған. Көпшілігі амбулаторлық-емханалық көмекпен шектеліп жатыр. Әйтсе де 9 адам ауруханаға жатқызылды.
Қазіргі таңда тұрғындарды эвакуациялау жалғасуда. Соңғы сағаттарда тағы 2 аурухананы су басты (бұған дейін 6 аурухана эвакуацияланған болатын). Науқастар басқа ауруханаларға жеткізіледі.
Бұдан бөлек Орынбор облысы үкіметінің баспасөз қызметінің хабарлауынша, Орск қаласындағы Никель ауылында су тасқынына байланысты тұрғындарды шұғыл эвакуациялау жұмыстары жүргізіліп жатыр.
