Швеция НАТО-ның 32-ші мүшесі ретінде қашан ресми түрде қосылады
Фото: Pixabay
11 наурызда Швеция НАТО-ның 32-ші мүшесі ретінде Солтүстік Атлантикалық альянсқа ресми түрде қосылады, деп хабарлайды Qazaq Today ақпарат порталы. Бұл туралы Анадолы жазды.
Швед баспасөзінің хабарлауынша, 11 наурызда НАТО-ның Брюссельдегі (Бельгия) штаб-пәтерінде Швецияның альянсқа қабылдауының ресми рәсімі өтеді.
НАТО штаб-пәтерінде Швеция туы көтеріледі. Осылайша, Швеция альянстың 32-ші мүшесі болады.
Венгрияның Ұлттық жиналысында 26 ақпанда бұл елдің НАТО-ға кіруі мақұлданды.
Швеция НАТО-ға кіруге 2022 жылдың 18 мамырында өтініш берген болатын.
