Ливандық «Хезболла» тобы Израильдің бекіністерін атқылап жатыр
Бүгін Ливандағы «Хезболла» тобы да Израильдің Голан жоталарындағы әскери бекіністерді зымыранмен атқылады, деп хабарлайды Qazaq.today Halyq-uni-не сілтеме беріп.
Изариль жауап ретінде Ливандағы «Хезболланың» нысандарына соққы берген. Әзірге жапа шеккендер туралы ақпарат жоқ.
Айта кетсек, Израиль Сирияның Голан жоталарын 1967 жылы «6 күндік соғыс» кезінде жаулап алған болатын. Ал Ливан ол аудандағы кей мекенді өзінің аумағы деп санайды.
Бұған дейін палестиналық ХАМАС ұйымының Израиль территориясына мыңдаған зымырандар ұшырып, содан кейін елге басып кірген еді.
Qazaq.today
