Тоқаев Мәскеуде ҰҚШҰ отырысында сөз сөйледі
Қасым-Жомарт Тоқаев Мәскеуде ҰҚШҰ отырысында сөз сөйлеп, терроризммен күрес, есірткі айналымы және ақпараттық қауіпсіздік бойынша күш біріктіруге шақырды.
Фото: t.me/aqorda_resmi
Мәскеуде Ұжымдық қауіпсіздік шарты ұйымының (ҰҚШҰ) отырысы өтті. Саммитке Ресей Федерациясының төрағалығымен Ресей президенті Владимир Путин, Беларусь президенті Александр Лукашенко, Қырғызстан президенті Садыр Жапаров, Тәжікстан президенті Эмомали Рахмон және ҰҚШҰ Бас хатшысы Таалатбек Масадыков қатысты. Қазақстан президенті Қасым-Жомарт Тоқаев та осы жиында сөз сөйледі.
Бұл туралы Qazaqtoday.info сайты хабарлайды.
Мемлекет басшылары Ұйымның 2026 жылғы жұмысын қорытындылап, алдағы кезеңдегі өзара іс-қимылдың негізгі бағыттарын талқылады және халықаралық әрі аймақтық қауіпсіздіктің өзекті мәселелері бойынша пікір алмасты.
Отырыста сөйлеген Қасым-Жомарт Тоқаев Владимир Путинге жылы қабылдағаны үшін алғыс айтып, Ресей төрағалығының жемісті сипатын атап өтті. Мемлекет басшысы қазіргі заманғы сын-қатерлерге қарсы тұру үшін қатысушыларды күш-жігерді біріктіруге шақырды.
«Қасым-Жомарт Тоқаев халықаралық терроризммен күрес, есірткі құралдарының заңсыз айналымына қарсы іс-қимыл, сондай-ақ жасанды интеллект технологияларының ықпалы күшейіп келе жатқанын ескере отырып, ақпараттық қауіпсіздікті нығайту сияқты бағыттар бойынша күш-жігерді біріктіру қажеттігіне назар аударды», — деп хабарлады Ақорданың баспасөз қызметі.
Кездесу соңында Қазақстан президенті Тәжікстан басшысы Эмомали Рахмонды ҰҚШҰ-ға төрағалық етуіне байланысты құттықтап, осы жауапты миссияны орындауда табыс тіледі.
